سن بو چئوره لرده سن
گلیبسن وطن قوخوسویلا
یادیندا می سؤیله دین
هر یئرده بیز اولاریق ،اوراسی وطنیمیز ؟
ایندی سه آی وطن سایاسی!
اؤلکه میزین گئنیشلیگین
یایلاندیریب سان
بو شه-هرین ایختیواسین دان آرتیق !
چیتگری چئوره لییب ،
اؤزونله آراز گئتیریب سن
مترو دوراقلارین ییخیب
"خداآفرین " دوغاسین
شه-هرین دومانلی قارینیندا سیغدیربسان
بابک'ین یوکسه ک لیگیله گلیبسن
ولنجک توفاغی ، سنی اؤوه نیر
نفسینله
ساوالان گئتیریبسن
سنی گرک بیر گؤزآلتی دا گیزله دم
بو شه-هرده
چاققال لار ,قورد دئریسیله
جئیران سوروسونه سالدیریب،
اولوسو قوردا قارامسارلادیرلار
سنی گیزله دیرم
اوره گیمین قوتسال توپراغیندا
کی ایللر بویو اوچماغیمدان سونرا
وطنیم دیر ،
سینیرسیز - حودودسیز !
اوره ک اؤلکه م ده
قورد ،
بیر سورو جیئران گؤزجوسو دور کی ،
قوردو گؤره نده یورتما گئدیرلر
و چوبانلا بیر حیس ده دیلر . . .
Sən bu çevrələrdəsən
Gəlibsən vətən qoxusuyla
Yadındamı söylədin
Hər yerdə biz olarıq , orası vətənimiz ?
İndisə ay vətən sayası !
Ölkəmizin genişligin
Yaylandırısan
Bu şəhərin ixtivasından artıq !
Çitgəri çevrələyibsən ,
Özünle Araz gətiribsən
Metro duraqların yıxıb
" Xudafərin" doğasın
Şəhərin dumanlı qarnında sığdırıbsan
Babəkin yuksəkligiylə gəlibsən
Velencək tufağı , səni övənir
Nəfəsinlə
Savalan gətiribsən
Səni gərək bir gözaltı da gizlədəm
Bu şəhərdə
Çaqqallar, qurd dərisiylə
Ceyran sürüsünə saldırın,
Ulusu qurda qaramsarladır
Səni gizlədirəm
Ürəyimin qutsal toprağında
Ki illər boyu uçmağımdan sonra
Vətənim dir ,
Sınırsız - hududsiz !
Ürək ölkəmdə
Qurd ,
Bir sürü Ceyran gözcüsüdür ki ,
Qurdu görəndə yurtma gedirlər
Və çobanla bir hisdə dilər . . .
