بابک (پاپک) آزربایجانچیلارا میللی قهرمان اولابیلر، آما تورکلره میللی قهرمان اولاماز.
بیر سیرا تاریخ اوزمانلارینا گؤره پاپک تالیشدیر. و بیر سیرا تاریخچیلر ده اونون خوراسانلی ابومسلم'ین تؤره‌مه‌سین‌دن اولدوغونو سؤیله‌ییرلر. بابک'ین خورمی حرکتی ده خوراسان‌دا ابومسلمیه حرکتی‌نین آزربایجانداکی اوزانتیسیدیر. ابومسلمیه و بابکیه اینانجی دا عئینی‌دیر. ابومسلم و بابک ایله ساواشانلار دا عباسی خلافتی‌نین تورکلردن اولوشان اوردوسودور. بابک اؤلدوکدن سونرا تورکلر آزربایجان‌دا ائگه‌من اولدولار.
آزربایجان دئموکراتیک جومهوریتی‌نین قوروجوسو محمد امین رسولزاده‌نین بابک (پاپک) حاققیندا فیکیرلری:
”... آذربایجاندا وطن و ملی استقلال اوغروندا اونودولماز مبارزه‌سیله تانینمیش داغیستانین بؤیوک ایمامی شامیل ایله گنجه‌نین ایگید مدافعه‌چی‌سی جاواد خاندان بحث ائتمیرلر. بونون یئرینه ایسه آذربایجان تاریخی‌نین درینلیکلری آرانا‌راق، اورا‌دان بابک کیمی شخصیتلر چیخاریلیب ایدئال‌لاشدیریلیر. بابک اسلامیتین دوشمنی ایدی. بیر اسلامیتین کی، ایندیکی شرایطده «کومونیزم»ه آز انگل‌لر تؤرتمیر. بابک آذربایجانی شمالا دئییل، جنوبا قارشی قویوردو. بو حالدا دا او، سووئتلر بیرلیگی‌نین احتمال اولونان دوشمنینه قارشی ساواشین رمزی اولا بیلر.”
”... «بابکی» سؤزو هله 19-جو عصرده آذربایجاندا سؤیوش کیمی ایشلدیلیردی. دینی احکاملارا اهمیت وئرمگن آزاد دوشونجه‌لی‌لره «بابکی» دئییردیلر. ایندی ایسه بابک وطن‌پرورلیگین بیر ایفاده‌سی کیمی ایشلدیلیر. قیرمیزی‌لار اسلامیت علیه‌دارلاری اولان بو سیمانی ایدئالیزه ائتمکله، آذربایجانداکی وطن‌پرورلیک دویغولارینی شمالا دوغرو چئویرمک ایسته‌دیلر.“
