✏ دیلیمین ساغلیـغــینا

دیلیمین ساغلیـغــینا،شعــــریمی گویا ائله دیم
قــان وئریپ یاغمالانیپ،جانــیمی دریـا ائله دیم
فلـکین حیله سین آلدئـم بو دیلین بوزماسیــنا
هونرین جیلــوه سینی شعـرایله دونیا ائله دیم
دولاشـیر سینه لـر ایــچره بو گؤزل کولتورومـــوز
مِی ایچیپ دیر بو دیلیم،هر یئری صهبا ائله دیم
جان وئــریپ آتـمارام آمما بــو دییارین نفــسین
نه گؤزل دیر بو دیلین شعـری کی ایبقا ائله دیم
ائتمه درویشه ظولوم،تحفـه سی یاپراق بو غزل
اوخو جان بول،بــو دیلی معجیـــزه معــنا ائله دیم
هـر زامان غـم سیپاهین جایدیررام بیـر سوزومه
گلـمه،من تورکم امیــــر،محشـــری برپا ائله دیم
چیـرپینیر توپـــراغیم اوزره،بو کــونول اولمیه جک
قان کیمین تـورکی داماردا،جانــئ دریـا ائله دیم

Dilimin Sağlığına
Dilimin Sağlığına, Şe'rimi Quya Elədim
Qan Verip Yağmalanıb, Canımı Dərya Elədim
Fələkin Hiləsin Aldım Bu Dilin Pozmasına
Hünərin Cilvəsini Şe'rilə Dünya Elədim
Dolaşır Sinələr Içrə Bu Gözəl Kültürümüz
Mey Içibdir Bu Dilim, Hər Yeri Səhba Elədim
Can Verib Atmaram Amma, Bu Diyarın Nəfəsin
Nə Gözəldir Bu Dilin Şe'ri Ki Ibqa Elədim
Edmə Dərvişə Zulum, Töhvəsi Yapraq Bu Qəzəl
Oxu Can Bul, Bu Dili Mö'cüzə Mə'na Elədim
Hər Zaman Qəm Sipahın Caydırıram Bir Sözümə
Gəlmə Mən Türkəm Əmir, Məhəşəri Bərpa Elədim
Çırpınır Toprağım Üzrə, Bu Könül Ölmüyəcək
Qan Kimin Türkü Damarda,Canı Dərya Elədim