✏ میلییتچیلیک یالنیز آزربایجانا میلی حقوق قایل اولماق دئییل. میلییتچیلیک ،تورک میلتینین باش اوجالیغی، آزادلیغی، گوجلنمه سی، بیر لشمه سی، گلیشمه سی، میلی ده یر لرینین قورونماسی و تورک میلتینین و آزربایجان وطنینین بو دونیادا لاییق و حاقلی اولدوغو یئری قازانماسی اوغروندا یورولمادان چالیشماقدیر.
میلییتچیلیک ،بیر میلییتچی نین یاشام فلسفه سی و حیات بیچیمی دیر.

میلییتچیلیک، بیر میلییتچی نین باش قویدوغو، کؤنول وئردییی و ایناندیغی یولدا، گونو_گوندن داها چوخ گلیشمه سی و داها چوخ چالیشماسی دیر.

میلییتچیلیک هر شئی وطن اوچون، هر شئی میلت اوغروندا کی فیکرین گئرچک آدرسی دیر.
میلییتچیلیک شخصی چیخارلاری، میلی منافعین ایچینده گؤرمک و یئری گلدیکده بو شخصی چیخارلاری میلی منافع اوغروندا قوربان ائتمک دیر. میلییتچیلیک، میلی منافعی هر نه دن اوستون توتماق و بو میلی منافعی یورولمادان قورویوب و گئرچکلشدیر میه چالیشماقدیر.
میلییتچیلیک دویغولارلا دوشونجه لرین آراسیندا ان دوغرو ایلگی نی قورماق دیر.
میلییتچیلیک وطن و میلت آدلی بیر گئرچه یین، حقیقتینی درک ائدیب قبول ائده رک ساوونماقدیر..