"یئتیم عیوض" تخلوصو ایله تانینان، عیوض قوربانوف 26 - فئورال، 1952 - ینجی ایلده سییزن رایونوندا آنادان اولموشدور. سییزن شهر جعفر جبارلی آدینا 1 - نومره لی مکتب ده اوخویوب. 10 ایلدن سونرا حربی خدمته گئدیب، 21 ایل سوروجو ایشله میشدیر.
1996 - ینجی ایله کیمی یاخشی یاشاییب، آمما 1996 - 2006 - ینجی ایللرده پول قازانماق اوچون هر اذیته قاتلاشیب. اودون دوغراییب - ساتیب، سوروجولوک ائله ییردی.
شعر یازماغا 15 یاشیندان باشلامیشدیر. اوز دئدییینه گوره، بو گونه قدر 2423 قطعه شعر یازمیشدی.
عمومیتله اونون یازدیغی و تویلاردا سویله دییی موسیقیلی شعرلر بویوک شوهرت قازانمیش و اونو خالقا سئودیرمیشدی. عیوض قوربانوف - ون ایکی قیزی و ایکی اوغلو واردی.
ترومب خسته لیییندن اذیت چکن شاعیر 23 - اییول، 2017 - ینجی ایلده 65 یاشیندا وفات ائتمیشدیر. او، اوز دوغما کندینده دفن اولونموشدور.
بیر گوزل شعر " وطن " آدیندا یئتیم عیوض دن سیزلره تقدیم اولونور:
دونیادا ایکی شئی ، باش آیاغی یوخ ***** بیریسی سوفره دی ، بیریسی وطن
بونلارین حاقیندا چوخ دئییلیب ، چوخ ***** کیچیگی سوفره دی ، ایریسی وطن
حئیرانی اولما سن او ناکس لرین ***** حئیرانی اول گینن حزین سس لرین
اونسوزدا قارداشیم ، سئون کس لرین ***** حوری سی ، پری سی ، سوناسی وطن
قاداسین آلارام سوزو قانانین ***** ائل اوچون چالیشیب ، ائل چون یانانین
اونسوزدا بیلیرم هر بیر اوغلانین ***** اولوسو وطندیر ، دیریسی وطن
کوت اولان آلتی داشا چکیرلر ***** سورمه نی کیپریگه - قاشا چکیرلر
آنایلا وطنی قوشا چکیرلر ***** بو (یئتیم عیوضین) آناسی وطن
